關於「Overseas PW – Paris」

關於「Overseas PW – Paris」

我地揀咗去巴黎影婚紗相
呢度分享返係海外影婚攝係點嘅~

我地呢個歐洲之旅11日
去咗Paris> London> Copenhagen
因為要拎埋啲婚紗同禮服飛
我哋拎咗兩大&一細gip同手拎住花球+禮服
婚紗唔算好大舊 所以半個細gip就搞掂
另一半就放鞋同晚裝

婚攝當日
3:50am morning call;4am 開始化妝(算訓得晏)
我搞掂之後再等男朋友快速上少少妝+set頭
大概7am 左右出發
Call uber 係酒店出發去到第一站 大概都係20分鐘左右
跟住就即刻開工haha 嚟得好突然
咁早起身 真係要啲時間warm up下
(之前朋友講話頭一個鐘啲相都唔係好揀到🤣)

之後跟住路線走左幾個地方
咁早起身影 都要排隊🤣
最後仲發生咗小插曲 我地最後一站去影橋
點知有啲工作人員話we are closed in 5mins
我心諗做咩會close
拿拿臨上去影 好彩都叫影到少少相先比人趕走
唔係我會好失望🥲
跟住真係影咗5分鐘左右 就比人趕走了
好似係因為有大製作拍攝

左揀右揀 搵到間性價比高 同時又有巴黎特色嘅酒店
專登book左露台房
攝影師返到酒店 繼續幫我地係露台影左啲相🥹
好滿意👍🏻 雖然佢望唔到鐵塔
不過個地理位置同埋景色都唔輸蝕
如果想知可以dm問我

跟住同crew team放lunch break!!
我仲有時間可以小睡片刻 差下電🔋
多謝crew team support到我分開上下兩個session

晚上環節先係街頭影少少相
之後去羅浮宮影 中途仲要換衫
所以book車就好重要
可以係車上面換衫同埋轉妝
又有小插曲發生 發現男朋友拎漏咗bowtie
係好panic嘅時候 化妝師話可以幫我哋返酒店拎
叫我哋爭取時間影多啲相
又要講 夜晚好彩有包車
佢就可以即刻車化妝師返去幫我哋拎
真係嚇死我地呢下

然後就差唔多天黑 可以睇到夜晚著燈嘅羅浮宮
又係好靚好靚🥹🥹
影完上返車去最後一站
大家都好似忘記左肚餓
但都唔可以餓親攝影師
司機話買m記最快 所以車我地去買啲野食先
再去返鐵塔附近
完全冇諗到 夜晚鐵塔仲多人過朝早
真 巴黎夜繽紛
但我相信我嘅攝影師都可以幫我哋影到靚相

其實影影下都冇諗到影到咁夜
真係辛苦攝影師了
因為今次行程都好趕 行程之前兩日都好早返酒店休息
所以本身以為睇唔到鐵塔閃燈
點知攝影師陪我地等埋閃燈
幫手影埋先完~睇到亮燈個下真係好感動

最後,夜晚都有少少遺憾,冇玩到仙女棒🪄

*********************************************

介紹返我嘅攝影師😎推介比大家
超有經驗+細心嘅女攝影師
📸 @cakesfilm

*********************************************

歡迎各位B2B follow或者交流💕

#備婚日記 #巴黎婚攝 #婚禮準備 #婚禮 #香港結婚 #婚禮場地 #婚禮攝影 #婚禮化妝 #婚禮回禮 #婚紗 #幸福傳承 #wedding #bigday #prewedding #bridetobe #準新娘 #準新郎 #婚路歷程 #籌備婚禮 #parisprewedding #engagement

© 版权声明
THE END
如喜歡文章或覺得幫到手就支持一下!
評論 搶頭香
頭像
歡迎留低你嘅評論!
提交
頭像

昵稱

取消
昵稱表情代碼圖片

    暫無評論內容