愛的宣言

親愛的 （新娘名字）：

終於都等到今日啦。期待咗咁耐，今日我可以正式叫你一聲 老婆。呢一刻，真係好感動，好似等咗好耐嘅夢，終於實現咗。

猶記得我哋喺 （相識地點） 認識，嗰陣時我成日偷望你，覺得你係一個好中意笑、好善良、又好可愛嘅女仔。從來冇諗過，有一日我可以行入你嘅世界，成為你身邊嗰個人。諗返起我哋相遇真係奇妙，唔同性格嘅兩個人，竟然可以一齊走到今日。

呢幾年，我哋一齊經歷過好多事，有開心、有眼淚、有爭拗、有笑聲。每次我忙到忽略咗你，你都冇埋怨我，仲反而關心我、提醒我要休息。你既體貼、又堅強，俾咗我好多力量。喺我最徬徨嘅時候，你總係無條件咁支持我，令我相信原來有人真係會一直企喺我身邊。

成個婚禮籌備過程，我知道你好辛苦，好多瑣碎嘢都係你默默處理。好多謝你，老婆。你令我明白，愛唔單止係浪漫同驚喜，而係兩個人一齊經歷生活、互相扶持嘅每一日。

我哋嘅愛唔轟烈，但平淡得好真實。每日返屋企見到你笑、同你一齊食飯、煮飯、行街，呢啲細細件事，已經係我最幸福嘅時光。故事平淡，但有你，已經足夠。

我知道我唔係一個好叻講甜言蜜語嘅人，但我想喺今日向你承諾：無論將來貧窮定富貴、健康定疾病，我都會盡我能力去照顧你、守護你，令你每日都過得開心。就算未來有幾多風雨，我都會同你一齊行。
你若不離，我定不棄。

由今日開始，我會努力成為一個好老公，俾你一個溫馨窩心嘅家。
從今以後，我只想做一件事令你每日都笑得開心。

老婆，我愛你。
（新郎全名）